Frístundavefur Árborgar

Handbolti Umf. Selfoss í sumar

gunnars@arborg.is — Mon, 31 May 2021 09:11:12 +0000

Handbolti Umf. Selfoss í sumar

gunnars@arborg.is Mon, 05/31/2021 - 09:11

Handknattleiksdeild umf. Selfoss mun bjóða upp á handboltaæfingar út júní, iðkendum að kostnaðarlausu til að koma til móts við þann tíma sem iðkendur misstu í vetur vegna Covid-19 faraldursins.

Vetrar æfingataflan gildir til sunnudagsins 13.júní, eftir það taka við sumaræfingar í þrjár vikur til 1.júlí

Æfingarnar í júní verða eftirfarandi :

Mánudaga-þriðjudaga, miðvikudaga og fimmtudaga

Kl.10:00-11:00 8.-7.kv (2011-2013)

Kl.11:00-12:00 8.-7ka (2011-2013)

Kl.13:00-14:00 6.kv og 5.kv (2007-2010)

Kl.14:00-15:00 6.ka og 5.ka (2007-2010)

Kl.17:00-18:00 4.ka og 4.kv (2005-2006)

Áætlað er að hafa 3 vikna handboltaskóla í ágúst strax eftir verslunarmannhelgi.

Þjálfari er Rúnar Hjálmarsson og kemur hann með alhliða styrktar æfingar í bland við handboltaþjálfun.

Aldur

Staður

Vefsíða

https://www.selfoss.net/handbolti/

Torfið - námskeið í hleðslutækni o.fl. í Íslenska bænum

gunnars@arborg.is — Fri, 28 May 2021 08:56:40 +0000

Torfið - námskeið í hleðslutækni o.fl. í Íslenska bænum

gunnars@arborg.is Fri, 05/28/2021 - 08:56

Námskeið í hleðslutækni og torfbyggingafræðum, sjálfbærni og óáþreifanlegum menningararfi, staðbundnum og vistvænum arkitektúr. Hleðsluskólinn og Íslenski bærinn standa fyrir námskeiði í íslenskri hleðslutækni í samstarfi við Listaháskóla Íslands. Námskeiðið fer fram á torfbænum að Austur-Meðalholtum í Flóa og nágrenni hans. Aðal áherlsa er lögð á hefðbundið íslenskt hleðsluhandverk og notkun hefðbundinna verkfæra, einnig er hugmyndafræði torfbygginga krufin og hugað að fagurfræðilegum sérkennum. Námskeiðið er verklegt í bland við fyrirlestra. Farið verður yfir uppbyggingu veggja og húsþaka þar sem torf, grjót og mold er aðal efniviðurinn. Helstu hleðslluaðferðir verða útskýrðar og prófaðar. Einnig verða megingerðir torfstungu og ristu framkvæmdar með hefðbundnum verkfærum. Jafnframt verður leitast við að veita innsýn í hugmyndafræði og fagurfræði íslenskra torfbygginga stutt ítarlegum powerpoint fyrirlestrum um íslenskan torfbæjararf. Í húsakynnum Íslenska bæjarins er yfirgripsmikil sýning um íslenskan torfbæjar arf og þar er einnig að finna stórt safn hefðbundinna verkfæra á sviði torfskurðar, veggjarhleðslu, trésmíði og járnsmíði sem nemendum gefst kostur á að skoða.

Kennarar: Hannes Lárusson og Bryndís Hrönn Ragnarsdóttir
Hæfnimarkmið: Gert er ráð fyrir því að nemendur öðlist grunnfærni í byggingu veggja úr torfi og grjóti, og fái grundvallar innsýn í ellefuhundruð ára sögu torfhúsa á Íslandi
Kennslutungumál: íslenska
Kennslufyrirkomulag: Verklegt námskeið í bland við fyrirlestra
Lengd námskeiðs: 4 dagar
Kennslutímabil: Þriðjudagurinn 22. júní til og með föstudagsins 25. júní
Kennslutími: Kennt er daglega frá kl. 10:00 til 16:30
Kennslustaður: Meðalholt í Flóa, Austur-Meðalholtum, 803 Selfossi (dreifbýli), 60 km frá miðbæ Reykjavíkur, 7 km fyrir sunnan Selfoss
Aðstaða: Nemendur koma sér sjálfir á staðinn daglega, búa sig eftir veðri og verða með nesti fyrir daginn
Einingar: Námskeiðið er kennt án eininga
Forkröfur: Námskeiðið er opið öllum 18 ára og eldri
Markhópur: Áhugafólk um torfhleðslur
Verð: Hvert sumarnámskeið kostar 3.000 kr. alls, vinsamlegast athugið að námskeiðsgjald er ekki endurgreitt nema námskeiðið falli niður
Nánari upplýsingar: Karólína Stefánsdóttir, verkefnastjóri, karolinas@lhi.is

Vegna COVID-19 getur fyrirkomulag kennslu breyst með litlum fyrirvara

Aldur

Staður

Tölvupóstur

Vefsíða

http://islenskibaerinn.is/

Fjölskyldan á fjallið

gunnars@arborg.is — Fri, 28 May 2021 08:46:31 +0000

Fjölskyldan á fjallið

gunnars@arborg.is Fri, 05/28/2021 - 08:46

Fjölskyldan á fjallið

Fjölskyldan á fjallið er nýtt verkefni í sveitarfélaginu Árborg sem unnið er í samvinnu við Heilsueflandi samfélag og ferðafélag barnanna. Markmið verkefnisins er að hvetja fjölskyldur til útivistar, upplifa fallegu náttúruna okkar og skapa eftirminnilegar minningar saman.

Fjöllin eru miserfið, en alltaf má fara styttri leið eða breyta til að vild.

Erfiðleikastigin eru 4 talsins

Erfiðleikastig 1: Stutt og auðveld ganga sem hentar öllum í fjölskyldunni

Erfiðleikastig 2: Létt til miðlungserfið ganga sem ætti að henta öllum frá 5 ára aldri

Erfiðleikastig 3: Miðlungserfið ganga, mjög persónubundið en börn niður í 5 ára með áhuga fara þessa leið.

Erfiðleikastig 4: Miðlungserfið til erfið ganga sem hentar öllum sem eru vanir og hafa ágætis úthald.

Mikilvægt er að hafa með sér uppáhaldsnesti þegar farið er í göngu og að sjálfsögðu góða skapið. Kannski finnum við skemmtilega steina, sjáum skringileg skordýr eða rekumst jafnvel á nykurinn á vatninu? (Að sjálfsögðu tökum við alltaf toppamynd eða bara myndir og gaman væri ef þið mynduð tagga Sveitarfélagið Árborg á samfélagsmiðlum ef þið takið myndir)

Ingólfsfjall

Ingólfsfjall í Ölfusi er 551 m (Inghóll) á hæð yfir sjávarmáli. Fjallið er hlíðarbratt móbergsfjall með htaunlögum inn á milli, einkum að neðan og í kolli. Fjallið varð til um miðja ísöld og var sjávarhöfði í lok ísaldar þegar sjávarstaða var sem hæst. Fjallið er kennt við landnámsmanninn Ingólf Arnarson. Upp á fjallinu er grágrýtishæð sem heitir Inghóll og segja munnmæli að þar sé Ingólfur heygður. Það er hömrum girt að mestu nema að norðanverðu, þar eru aflíðandi brekkur upp að fara. Að ofan er fjallið flatt. Það er um 5 km frá vestri til austurs en um 7 km frá norðri til suðurs.

Fjölmargar leiðir eru færar upp á fjallið þó hin hefðbundna gönguleið austan Þórustaðanámu sé lang mest gengin. Á góðum sumardegi er fátt betra en reima á sig skóna og skunda upp að vörðu (400 m) þar sem gestabók Ferðafélags Árnesinga er staðsett. Gildir einu hvort þú ætlir þér að vera 20 mínútur á leiðinni upp eða tvær klukkustundir. Þegar upp á topp er komið mælum við að sjálfsögðu með toppamynd, njóta fallega útsýnisins, góðri nestispásu og að sjálfsögðu kvitta í gestabókina.

Upphafsstaður: Þórustaðanáma

Hækkun: Inghóll 551m, að vörðu um 400 m

Erfiðleikastig: 2-3

Hentar: fjölskylduganga, dagsganga. Fer auðvitað eftir einstaklingum en gott að miða við að gangan henti frá 5 ára aldri.

Tími: frá 1-3klst

Ef gengið er frá Alviðru, er merkt gönguleið á fjallið sem tekur um 2 klst. Við upphaf göngunnar hjá Alviðru er upplýsingaskilti um leiðina á fjallið. Alviðra stendur undir Ingólfsfjalli við Sog, gengt Þrastalundi.

Silfurberg

Suður úr vesturhorni fjallsins skagar grár klettamúli Silfurberg sem er úr móbergi með ljósum holufyllingum sem aðallega eru geislasteinaútfellingar. Stundum nefnt öxlin á Ingólfsfjalli. Létt og skemmtileg ganga sem hentar allri fjölskyldunni.

Hækkun: ca 200 m

Erfiðleikastig: 1

Reykjafjall:

Reykjafjall er mjög gróið fjall og skógi vaxið. Best er að ganga á fjallið fyrir ofan Ölfusborgir. Gengið er uppá fjallið rétt áður en komið er að Ölfusborgum og er fallegt útsýni yfir Ölfusið og ströndina. Reykjafjall nær um 420 m hæð yfir sjávarmáli og er brún þess í um 140 – 160 m hæð ofan við byggðina í Hveragerði.

Á Reykjum var fyrrum aðsetur höfðingja en Gissur Jarl Þorvaldsson bjó þar á 13. öld og Oddur Gottskálksson vann að þýðingu Nýja testamentisins á 16. öld. Reykjafjall er í námunda við Henglasvæðið sem er eitt af stærstu jarðhitasvæðum landsins, í vestri og við Ingólfsfjall í vestri.

Upphafsstaður: Ölfusborgir

Hækkun: 340 m

Erfiðleikastig: 1-2

Tími: 2-3 klst

Bjarnafell

Bjarnafell í Ölfusi er 380 m yfir sjávarmáli. Fjallið er frekar létt uppgöngu og tekur ca 2 klst.

Til að komast að Bjarnafelli er ekið eftir þjóðvegi 1 milli Hveragerðis og Selfoss og beygt upp Hvammsveg nr. 374. Stoppað er við garðyrkjubýlið Nátthaga. Þar er bílum lagt og gengið upp með Æðargili upp á Bjarnafell. Byrjunarhæð er í um 80m yfir sjó og lengd göngunnar er um 6 km.

Gott útsýni er af Bjarnafelli.

Upphafsstaður: Nátthagi

Hækkun: 280 m

Erfiðleikastig: 1-2

Tími: 2-3 klst

Hestfjall

Hestfjall er eitt af þekktari fjöllum í Grímsnesi. Hestfjall er um 320 metrar á hæð og er nær alveg umflotið vatni. Fjallið er nánast eins og þríhyrningur í lögun og er hæst nyrst en þar heita Hesteyru. Gengið er á Hestfjallið frá bænum Vatnsnesi, en tún bæjarins ná nánast að fjallinu. Hestfjall er eldfjall frá Ísöld, stapi með grágrýtisþekju á móbergsgrunni. Bólstraberg er neðst (sem myndast í sjó) og leifar af eldgýg eru við Hesteyru.

Gömul munnmæli segja að göng liggi undir fjallinu og að í þeim sé ægilegt skrímsli. Ef hins vegar skrímslið skríður burt mun Hvítá falla inn í göngin og þá þornar fyrir neðan þau.

Gaman er að segja frá því að Í og við Hestfjall áttu stóru Suðurlandsskjálftarnir árið 2000 upptök sín.

Upphafsstaður: Kiðjaberg (leið 1) eða bærinn Vatnsnes (leið2)

Hækkun: 260 m

Erfiðleikastig: 1-2

Lengd: leið 1: 9km, leið2: 11 km.

Einnig er hægt að stytta ferðina og ganga aðeins upp og niður, þá er leiðin töluvert styttri í km og barnvænni.

Tími: 1-3 klst plús

Mosfell

Mosfell í Grímsnesi er móbergsfjall sem er 254 m hátt. Fjallið er mjög auðvelt í uppgöngu og hentar vel sem fjölskyldufjall.

Ekið er að Kirkjustaðnum Mosfelli, þar er heppilegast að ganga á fjallið og eru bílastæði þar.

Þægilegt er að ganga á fellið, gangan upp tekur um 30 mínútur. Á Mosfelli er mikið og fallegt útsýni.

Upphafsstaður: Kirkjustaðurinn Mosfell

Vegalengd: 2-5km

Erfiðleikastig: 1-2

Hækkun: 254 m yfir sjávarmáli

Miðfell

Miðfell er reisulegt fell fyrir miðju Úthlíðarhrauns og má segja að þetta sé bæjarfjall íbúa á Flúðum. Miðfell er 253 m á hæð yfir sjávarmáli.

Ljúf gönguleið á skemmtilegt fjall í Hreppnum. Alls ekki erfið leið og hentar því flestum gönguvönum. Best er að ganga á fjallið að norðaustan og er smá útskot við veginn þar sem við leggjum í hann. Leiðin liggur á ská til vinstri upp á fellið og þar er upplagt að ganga hring á fjallinu til að njóta útsýnis. Við sjáum strax að þokkalega stórt vatn er á toppnum, kallað Fjallsvatn Höldum svo sömu leið niður aftur. Leiðin er stikuð. Mikið og fallegt útsýni er af fjallinu.

Í Miðfellsvatni er nykur og voru börn áminnt um að signa sig áður en þau fór að vatninu. Hélst sá siður langt fram eftir 20. öld.

Lengd: 5km

Hækkun: 150 m

Erfiðleikastig: 1-2

Tími. 2-3 klst

Vörðufell 392 m

Vörðufell á Skeiðum er móbergs- og grágrýtisfjall sem myndast hefur undir jökli ísaldar. Vegna legu fjallsins er mjög víðsýnt af hæstu tindum þess. Uppi á fjallinu er stöðuvatn sem heitir Úlfsvatn og úr því sunnanverðu rennur lítill lækur niður í Úlfsgil. Ef gengið er að vatninu (mikið á jafnsléttu) getur gangan orðið um 10km, alltaf hægt að ganga styttra ef fólk kýs það.

Algeng leið er upp frá Helgustöðum. Þar hefst gangan við túnfótinn, tekin stefnan á Nóngilið og þar upp á fjallið, gengið er góðan hring umhverfis Úlfsvatn og niður aftur um Valagil. Þetta er létt ganga og við flestra hæfi.

Hækkun: 320 m

Vegalengd: Allt að 10km

Erfiðleikastig: 2

Tími: 3-4 klst

Langholtsfjall

Gengið frá tjaldsvæðinu Álfaskeiði um Hellisskarð. Mjög létt og skemmtileg ganga sem hentar öllum í fjölskyldunni.

Frábært útsýni er af Langholtsfjalli og blasir hin fallega Hekla við okkur.

Munnmæli herma að í Vatnsdalsvatni á Langholtsfjalli búi sami nykur og býr í vatninu uppi á Vörðufelli, ár í senn í hvoru vatni. Hann flytur sig um set um undirgöng á Jónsmessunótt og heyrast þá miklir dynkir og skruðningar.

Hækkun: ca 150 m

Lengd: 1-2 klst

Erfiðleikastig: 1

Búrfell

Búrfell í Grímsnesi er móbersgsstapi, og grasi gróið fjall í Grímsnesinu. Fjalliðer 536 m yfir sjávarmáli. Ef ekið er frá Selfossi er farið um Biskupstungnabraut og þaðan er farið inn á Þingvallaveg eða Sogsveg og síðan er beygt inn á Búfellsveg nr. 531. Fjallið er auðvelt uppgöngu, en gera má ráð fyrir um 2 – 3 tíma göngu. Ef ekið er frá Selfossi eru 18 km að Búrfelli.

Fallegt útsýni er ofan af toppnum. Uppi á fjallinu er kvos sem er forn gígur. Þar er dálítið vatn og segir sagan að tenging sé milli þess og Kersins í Grímsnesi. Í vatninu býr nykur sem fer á milli vatna og reynir að tæla menn til að setjast á bak sér og draga þá niður í undirdjúpin. Gangan er ekki mjög erfið, því að hækkun er jöfn og brekkur á leiðinni ekki mjög brattar.

Hækkun: 434 m

Erfiðleikastig: 2

Vegalengdi: fram og tilbaka með hring í kringum vatnið er um 8km.

Tími: 3-4 klst

Aldur

Staður

Heilsuefling eldri borgara

gunnars@arborg.is — Fri, 28 May 2021 08:32:24 +0000

Heilsuefling eldri borgara

gunnars@arborg.is Fri, 05/28/2021 - 08:32

Heilsuefling eldri borgara

Sveitarfélagið býður öllum eldri borgurum að sækja tíma hjá henni Berglindi sem hefur verið að sjá um námskeiðið Heilsuefling fyrir eldri borgara

Námskeiðið verður í 4 vikur og byrjar þriðjudaginn 7. júní- 1.julí

Námskeiðið er eftirfarandi daga:

Mánudaga: 13-14

Þriðjudaga: 10:30-11:30

Fimmtudaga: 10:30-11:30

Námskeiðið er kennt úti á íþróttavelli á Selfossi. Hvetjum við alla til þess að mæta og prófa og vonandi vera með í þessar 4 vikur.

Léttar æfingar með eigin líkamsþyngd, lóðum, teygjum ofl búnaði. Allir stjórna sínum hraða og fá verkefni við hæfi

Námskeiðið er frítt og er aðgangur ótakmarkaður.

Aldur

Eldri borgarar

Staður

Selfoss

Sveitanámskeið Gobbigobb 2021

gunnars@arborg.is — Wed, 26 May 2021 15:57:31 +0000

Sveitanámskeið Gobbigobb 2021

gunnars@arborg.is Wed, 05/26/2021 - 15:57

Sveitanámskeið Gobbigobb 2021

Í sumar verður aftur boðið upp á sveitanámskeið fyrir káta krakka á aldrinum 5 - 13 ára.

Tvennskonar námskeið verða í boði: Sveitanámskeið og pollanámskeið.
Inntak námskeiðanna er leikur, gleði og nánd við náttúruna og dýrin.

Hérna á bænum eru hestar, hænur og hænuungar, gæsir, hundar og kettir. Við búum líka svo vel að hafa fjöruna í bakgarðinum og nýtum okkur það. Á hverju námskeiði eru að hámarki 10 börn þannig að hvert og eitt getur notið sín.

Umsjónarmaður námskeiðanna er Sjöfn Þórarinsdóttir tómstundafræðingur.

Námskeiðin eru frá mánudegi til föstudags, frá 9:00-12:00 eða 13:00-16:00.

Þátttökugjald er 16.000 kr.

Hægt er að nýta frístundastyrk Árborgar fyrir þessi námskeið.

Skráning og frekari upplýsingar er að finna inni á heimasíðunni okkar www.gobbigobb.is/namskeid

Aldur

Tölvupóstur

Vefsíða

https://www.gobbigobb.is/namskeid

Sumarsmiðjur Zelsiuz fyrir börn fædd 2008-2010

gunnars@arborg.is — Sun, 23 May 2021 17:24:22 +0000

Sumarsmiðjur Zelsiuz fyrir börn fædd 2008-2010

gunnars@arborg.is Sun, 05/23/2021 - 17:24

Félagsmiðstöðin Zelsiuz ætlar að standa fyrir sumarsmiðjum fyrir krakka sem voru í 5. -7. bekk síðastliðinn vetur. Smiðjurnar verða í boði frá 14. júní til 23. júlí. Hægt er að skrá sig í stakar smiðjur, heilan dag eða heila viku. Smiðjurnar verða með fjölbreyttu sniði eins og sést hér að neðan en meðal annars verður í boði skartgripagerð, ævintýraferðir, ýmsar leikjasmiðjur, stuttmyndagerð og matreiðslusmiðjur. Umsjón verður í höndum tveggja starfsmanna félagsmiðstöðvarinnar en einnig verða þrjár til fjórar aðstoðarmanneskjur. Skráning hefst mánudaginn 24. maí á Völu sumarfrístund: https://sumar.vala.is/#/login.

Fjöldatakmarkanir verða í hverja smiðju svo um að gera að skrá sig sem fyrst.

Verðskrá:

Stök smiðja: 1.000 kr.-

Heill dagur: 1.500 kr.-

Heil vika: 5.500 kr.-

Skráning fer fram á sumar.vala.is

Lýsingar á hverri smiðju er hér að neðan:

Vika 1: 14.- 18. júní

Vísindasmiðja

Í vísindasmiðjunni munum við prófa alls konar hluti og gera tilraunir saman. Hvað gerist þegar við setjum mentos í kók? Hvernig er hægt að búa til slím? Mjög skemmtileg smiðja þar sem forvitnir vísindaáhugamenn njóta sín í botn. Takmarkað pláss í smiðjuna – 24 krakkar.

Afmælisleikir

Í þessari smiðju ætlum við að fara í hina “týpisku” afmælisleiki sem eru t.d. pakkaleikur, stopp dans, stóla leikurinn og svo framvegis. Takmarkað pláss í smiðjuna – 30 krakkar

Skartgripa og lyklakippugerð

Í skartgripa- og lyklakippugerðinni munum við búa til eyrnalokka, hálsmen, armbönd, lyklakippur og aðra eins smáhluti. Hér fá listrænir tækifæri til að spreyta sig og útbúa alls kyns fallega muni sem hægt verður að taka með sér heim. Takmarkað pláss er í smiðjuna – 24 krakkar

Smíða- og föndursmiðja

Í smíða- og föndursmiðjunni munum við smíða og föndra fallega muni saman sem hægt verður að taka með sér heim. Krakkarnir fá að spreyta sig til að búa til það sem þeim langar undir leiðsögn smiðjustjóra. Takmarkað pláss er í smiðjuna – 24 krakkar.

Hjólaferð í Hellisskóg

Í þessari smiðju ætlum við að gera okkur góðan dag og hjóla saman í Helliskóg. Þegar komið er í Helliskóg ætlum við að fara í leiki og borða nesti saman. Takmarkað pláss í smiðjuna -30 krakkar.

Sund á Selfossi

Farið verður í sund á Selfossi og leikið sér saman í lauginni. Mjög gaman að fara saman sem hópur í góðu veðri. Takmarkað pláss er í smiðjuna – 30 krakkar.

Pizzabakstur

Í pizzubakstrinum fá krakkarnir pizzabotn, sósu og álegg sem þau mega velja sjálf á pizzuna. Borðað er saman í lokin. Takmarkað pláss er í smiðjuna – 24 krakkar.

Brjóstsykursgerð

Í brjóstsykursgerðinni fá krakkarnir að prófa sig áfram að búa til heimagerða og gómsæta brjóstsykra. Hægt er að velja skemmtilegan lit og gott bragð og búið þá til í öllum stærðum og gerðum. Takmarkað pláss er í smiðjuna – 24 krakkar.

Vika 2: 21.-25. júní

Minute to win it

Í þessari smiðju förum við í fjölbreyttar og skemmtilegar keppnir þar sem krakkarnir hafa eina mínútu til þess að klara hvert verkefni fyrir sig. -30 krakkar.

Útileikir

Í útileikjasmiðjunni munum við fara í skemmtilega leiki sem eru hvað vinsælastir utan dyra svo sem 10 skref blindandi, einakrónu, snúsnú, verpa eggjum, 1-2-3-4-5-dimmalimm og lengi mætti telja áfram. Skemmtileg smiðja fyrir alla sem hafa áhuga á skemmtilegri hreyfingu utan dyra. Takmarkað pláss er í smiðjuna – 30 krakkar.

Ferð í Slakka húsdýragarð og sund á Borg

Ferðin í Slakka húsdýragarð er heill dagur þar sem farið verður að skoða hin ýmsu dýr sem leynast þar, farið á leiksvæðið og spilað minigólf. Við munum borða saman nesti í hádeginu og svo er leiðinni heitið á Borg þar sem við ætlum í sund. Áætluð heimkoma fyrir kl 16 þar sem það verður ekki hádegishlé. Það er því ekki hægt að koma bara hálfan dag í þessa smiðju. Takmarkað pláss í smiðjuna. – 24 krakkar.

Hönnunarsmiðja

Í þessari smiðju geta þeir sem hafa áhuga á hönnun spreytt sig í alls kyns sniðugum hlutum. Við munum til dæmis hanna bolinn sem við litum síðan samdægurs í bolagerðinni. Því mælum við með því að skrá sig allan daginn. Hægt verður að prófa sig áfram í ýmsum hlutum til að skreyta herbergið sitt, búa til falleg kerti og ýmis konar skraut sem hægt verður að taka með sér heim. Takmarkað pláss í smiðjuna – 24 krakkar

Tie Dye

Í bolagerðinni fá allir bol til þess að lita eftir eigin litamynstri og gera ýmislegt fallegt. Allir fá að taka bolinn sinn með sér heim. Takmarkað pláss í smiðjuna – 24 krakkar.

Boltaleikir

Í fótbolta, handbolta og körfubolta smiðjunni verður farið í hinar vinsælu boltaíþróttir sem svo margir hafa gaman af. Við munum prófa okkur áfram með alls konar trikk og skemmtilegheit og skipta svo í lið og spila saman. Takmarkað pláss er í smiðjuna – 30 krakkar.

Vatnsstríð

Hið sívinsæla vatnsstríð þar sem vatnsblöðrur, vatnsbyssur, dúkur með nóg af sápuvatni er aðal uppistaða vatnsstríðsins. Ótrúlega skemmtileg smiðja þar sem enginn fer þurr heim. Takmarkað pláss í smiðjuna – 30 krakkar.

Masterchef Árborg

Masterchef Árborg er byggt upp á svipaðan hátt og samnefndir þættir. Þátttakendur fá ákveðin hráefni sem þau fá að nýta eins og þeim einum listir. Klukkan tifar og sá sem stendur uppi með flottasta, frumlegasta og bragðbesta réttinn vinnur Masterchef Árborgar. Takmarkað pláss er í smiðjuna – 24 krakkar.

The Great Zelsiuz Bake Off

The Great Zelsiuz Bake Off er byggt á vinsælu þáttunum Nailed it, sem er keppni þar sem krakkarnir fá mynd af eftirrétt og þurfa að endurgera hann. Mjög fyndin og skemmtileg smiðja sem allir hefðu gaman af. –24 krakkar.

Vika 3: 28.- 2. júlí

Útileikir

Boltaleikir

Just dance

Just dance er vinsæll tölvuleikur, þar sem dans er aðal málið. -24 krakkar

Rocket leauge

Rocket league er vinsæll tölvuleikur þar sem bílar eru að spila fótbolta. -24 krakkar

Ferð í Raufarhólshelli og sund í Þorlákshöfn

Ferðin í Raufarhólshelli er heill dagur þar sem farið verður að skoða þennan flotta helli. Farið verður með rútu og þar sem þetta er heill dagur þarf að koma með nesti. Eftir hádegi förum við svo saman í sund í Þorlákshöfn. Áætluð heimkoma er fyrir 16. Það er því ekki hægt að koma einungis hálfan dag í þessar smiðjur. Takmarkað pláss í smiðjuna. -24 krakkar

Real life among us

Byggt á hinum fræga tölvuleik Among us. Þar verða starfsmenn búnir að gera verkefni sem krakkarnir leysa. -30 krakkar

Lagaleikurinn

Lagaleikurinn er leikur þar sem starfsmaður spilar lög í hátalara og krakkarnir eiga að giska á annað hvort hver söngvarinn er eða hvað lagið sjálft heitir. Gríðarlega vinsæll leikur hjá Zelsíuz í vetur -30 krakkar

Vísindasmiðja

Vatnsstríð

Vika 4: 5.júlí- 9. júlí

Pizzabakstur

Í pizzubakstrinum fá krakkarnir pizzabotn, sósu og álegg sem þau mega velja sjálf á pizzuna. Borðað er saman í lokin. Takmarkað pláss er í smiðjuna – 24 krakkar.

Brjóstsykursgerð

Kajak og Sund

Farið verður í ævintýraferð á Stokkseyri þar sem við munum fara á kajak og svo í sund eftir á. Ótrúlega skemmtileg ferð þar sem allir með áhuga á hreyfingu, ævintýrum eða íþróttum hafa gaman af. Takmarkað pláss í smiðjuna – 24 krakkar.

Skartgripa og lyklakippugerð

Smíða- og föndursmiðja

Ratleikur

Í þessari smiðju förum við í ratleik um Selfoss, starfsmenn verða búnir að undirbúa geggjaðan ratleik fyrir krakkana og verður mikið fjör. -30 krakkar

Frisbeegolf

Í þessari smiðju förum við í frisbeegolf á Selfossi. -30 krakkar

Role Play smiðja

Í Role play smiðjunni er farið í hlutverkaleiki svo sem „Dungeons and dragons“. Þar velja krakkarnir sér karakter sem þau spila með í leiknum við aðra krakka. Í spilinu lenda þau í ýmsum ævintýrum og skemmtilegum aðstæðum. Fáum algjöra „Dungeons and dragons” meistara til að vera sögumenn. Takmarkað pláss er í smiðjuna. – 24 krakkar.

LARP smiðja

Hin vinsæli live action role playing eða LARP. Takmarkað pláss í smiðjuna -24 krakkar.

Vika 5: 12.júlí- 16. júlí

Masterchef Árborg

Rice Crispies eftirréttagerð

Í þessari smiðju munum við gera eftirrétti úr Rice Crispies. -24 krakkar

Vísindasmiðja

Listasmiðja

Í lista- og föndursmiðjunni fá listrænir tækifæri til að spreyta sig í alls kyns verkefnum. Krakkarnir fá að spreyta sig til að búa til það sem þeim langar undir leiðsögn listamanns. Takmarkað pláss er í smiðjuna – 30 krakkar.

Fifa 21 mót

Í þessari smiðju munum við seta upp mót í hinum vinsæla tölvuleik Fifa 21. -24 krakkar

Borðtennismót Zelsiuz

Í þessari smiðju ætlum við að vera með borðtennismót, verða fjölbreyttar keppnir og verðlaun í boði. Takmarkað pláss í smiðjuna – 30 krakkar

Frisbeegolf og sund í Hveragerði

Í þessari smiðju verður farið í frisbeegolf í Hveragerði, borðum svo saman hádegismat og förum svo í sund. Þar sem þessi smiðja er heill dagur þá er ekki hægt að panta hálfan daginn. Einnig viljum við minna á að það þarf að taka með sér nesti og sundföt.smiðjuna – 24 krakkar.

Boltaleikir

Fimleikasmiðja

Í fimleikasmiðjunni verður farið í skemmtilegar fimleikaæfingar í íþróttahúsinu Baulu. Tilvalin smiðja fyrir þá sem hafa gaman af hreyfingu og íþróttum. Takmarkað pláss er í smiðjuna –30 krakkar.

Vika 6: 19.júlí- 25. júlí

Brjóstsykursgerð

Tie Dye

Í bolagerðinni fá allir bol til þess að lita eftir eigin litamynstri og gera ýmislegt fallegt. Allir fá að taka bolinn sinn með sér heim. Takmarkað pláss í smiðjuna – 24 krakkar.

Minute to win it

Í þessari smiðju förum við í fjölbreyttar og skemmtilegar keppnir þar sem krakkarnir hafa eina mínútu til þess að klara hvert verkefni fyrir sig. -30 krakkar.

Hunger Games og sund á Stokkseyri

Hunger Games er mjög skemmtilegur einstaklingsleikur byggður á samnefndri kvikmynd. Hver og einn leikmaður hefur band um hendina sem markar líf hans. Markmið leikmannsins er að ná böndunum af öllum hinum leikmönnunum og standa uppi sem sigurvegari leiksins. Alls kyns hindranir eru á leið hans og hægt að lenda í að ódauðleg skrímsli nái honum eða jafnvel að hann finni aukalíf ef hann missir sitt. Mjög skemmtilegur leikur þar sem krakkarnir fá að spreyta sig sem þátttakendur ævintýrisins. Við munum leika leikinn í Hallskoti og förum við saman í rútu, eftir Hunger Games förum við saman í sund á Stokkseyri og er því ekki hægt að koma hálfan dag, einnig viljum við minna á að það þarf að taka sundföt með sér. –24 krakkar.

Real life among us

Byggt á hinum fræga tölvuleik Among us. Þar verða starfsmenn búnir að gera verkefni sem krakkarnir -30 krakkar

Lagaleikurinn

Lokahátið

Lokum sumrinu með hvelli, verður auglýst síðar. Takmarkað pláss í smiðjuna -30 krakkar

Aldur

10 - 11 ára

12 - 13 ára

Staður

Selfoss

Tölvupóstur

erna.gudjons@arborg.is

Vefsíða

https://sumar.vala.is/#/login

Ferðafélag barnanna á Suðurlandi

gunnars@arborg.is — Thu, 20 May 2021 14:19:26 +0000

Ferðafélag barnanna á Suðurlandi

gunnars@arborg.is Thu, 05/20/2021 - 14:19

Ferðafélag barnanna á Suðurlandi

Ferðafélag barnanna var stofnað árið 2019 af Díönu Gestsdóttur í samstarfi við Ferðafélag Árnesinga og tilheyra bæði félögin undir Ferðafélag Íslands.

Markmið ferðafélagsins er að hvetja börn og fjölskyldur til útivistar, upplifa okkar fallegu náttúru og skapa dýrmætar minningar saman.

Allar ferðir Ferðafélags barnanna, eru farnar á forsendum barna og sniðnar að þörfum þeirra. Það kostar ekkert að vera með nema góða skapið.

Miðað er við að börn frá 5 ára geti tekið þátt en að sjálfsögðu er það mjög persónubundið, en gott að hafa í huga að alltaf má stytta göngurnar og breyta plani að vild.

Umsjónarmaður og fararstjóri: Díana Gestsdóttir. Ef spurningar vakna er hægt að hafa samband á FB síðu félagsins eða senda póst á dianag@arborg.is

Hlakka til að sjá ykkur í sumar

https://www.facebook.com/profile.php?id=100057830671768

Aldur

Tölvupóstur

Vefsíða

https://www.facebook.com/profile.php?id=100057830671768

Frískir Flóamenn - hlaupahópur

gunnars@arborg.is — Thu, 20 May 2021 14:10:06 +0000

Frískir Flóamenn - hlaupahópur

gunnars@arborg.is Thu, 05/20/2021 - 14:10

Frískir Flóamenn, hlaupahópur

Æfingatími Frískra Flóamanna er kl. 17:15 á þriðjudögum og fimmtudögum og kl. 10 á laugardögum.

Hlaupið er frá Sundhöll Selfoss. Æfingar eru ókeypis, aðeins að mæta.

Allir velkomnir bæði byrjendur og vanir hlauparar. Góð hreyfing í góðum félagsskap. Þjálfari, Sigmundur Stefánsson stýrir hópnum frá september – maí.

Facebook síða hópsins: https://www.facebook.com/groups/135968469810840

Aldur

Fullorðnir

Útivist og samvera

Staður

Selfoss

Vefsíða

https://www.facebook.com/groups/135968469810840

Crossfit sumarnámskeið fyrir unglinga 12-14 ára

gunnars@arborg.is — Thu, 20 May 2021 14:02:33 +0000

Crossfit sumarnámskeið fyrir unglinga 12-14 ára

gunnars@arborg.is Thu, 05/20/2021 - 14:02

WOD 12-14 ára

Æfing dagsins þar sem meiri áhersla er lögð á tækni/líkamsbeitingu og æfingar með líkamsþyngd. Krakkarnir læra undirstöðu atriði i olympískum lyftingum fimleikum,kraftlyftingum ofl, bæta liðleika, snerpu,samhæfingu,jafnvægi.

Mánudaga,Miðvikudaga og Föstudaga

KL 15:30-16:30

Laugardaga kl 10.00-11.00

Sumartilboð 1-júní - 31águst 24.900

Skráning fer fram á heimasíðu okkar

https://www.crossfitselfoss.is/wod-1214-ra

Aldur

12 - 13 ára

14 - 15 ára

Staður

Selfoss

Vefsíða

https://www.crossfitselfoss.is/wod-1214-ra

Crossfit sumarnámskeið fyrir krakka 8-11 ára

gunnars@arborg.is — Thu, 20 May 2021 13:56:59 +0000

Crossfit sumarnámskeið fyrir krakka 8-11 ára

gunnars@arborg.is Thu, 05/20/2021 - 13:56

CrossFit sumarnámskeið fyrir krakka á aldrinum 8-11ára

Námskeiðið hefst 15.júní og stendur til 22.júlí 6 vikur

Verð 19.500

Frábær alhliða undirbúningur fyrir hvaða íþrótt sem er. Krakkarnir læra undirstöðuatriði í olympískum lyftingum ,fimleikum,kraftlyftingum ofl, bæta liðleika, snerpu,samhæfingu og jafnvægi.

Þjálfarar eru

Hekla Rún Harðardóttir Fimleikar

Svandís Viðja Víðisdóttir CFL1

Valið er um Hóp 1 eða 2

Hópur 1

Þriðjudaga og Fimmtudaga 15:00-15:45 Laugardaga 11:00-11:45

Hópur 2

Þriðjudaga og Fimmtudaga kl 15:45-16:30 Laugardaga kl 11:00-11:45

Skráning fer fram á heimasíðu okkar

https://www.crossfitselfoss.is/wod8-11ra

Aldur

10 - 11 ára

8-9 ára

Staður

Selfoss

Vefsíða

https://www.crossfitselfoss.is/wod8-11ra