Handknattleiksdeild umf. Selfoss mun bjóða upp á handboltaæfingar út júní, iðkendum að kostnaðarlausu til að koma til móts við þann tíma sem iðkendur misstu í vetur vegna Covid-19 faraldursins. Vetrar æfingataflan gildir til sunnudagsins 13.júní, eftir það taka við sumaræfingar í þrjár vikur til 1.júlí

Námskeið í hleðslutækni og torfbyggingafræðum, sjálfbærni og óáþreifanlegum menningararfi, staðbundnum og vistvænum arkitektúr. Hleðsluskólinn og Íslenski bærinn standa fyrir námskeiði í íslenskri hleðslutækni í samstarfi við Listaháskóla Íslands.

Fjölskyldan á fjallið Fjölskyldan á fjallið er nýtt verkefni í sveitarfélaginu Árborg sem unnið er í samvinnu við Heilsueflandi samfélag og ferðafélag barnanna. Markmið verkefnisins er að hvetja fjölskyldur til útivistar, upplifa fallegu náttúruna okkar og skapa eftirminnilegar minningar saman. 

Heilsuefling eldri borgara Sveitarfélagið býður öllum eldri borgurum að sækja tíma hjá henni Berglindi sem hefur verið að sjá um námskeiðið Heilsuefling fyrir eldri borgara

Sveitanámskeið Gobbigobb 2021 Í sumar verður aftur boðið upp á sveitanámskeið fyrir káta krakka á aldrinum 5 - 13 ára. Tvennskonar námskeið verða í boði: Sveitanámskeið og pollanámskeið. Inntak námskeiðanna er leikur, gleði og nánd við náttúruna og dýrin.

Félagsmiðstöðin Zelsiuz ætlar að standa fyrir sumarsmiðjum fyrir krakka sem voru í 5. -7. bekk síðastliðinn vetur. Smiðjurnar verða í boði frá 14. júní til 23. júlí. Hægt er að skrá sig í stakar smiðjur, heilan dag eða heila viku.

Ferðafélag barnanna var stofnað árið 2019 af Díönu Gestsdóttur í samstarfi við Ferðafélag Árnesinga og tilheyra bæði félögin undir Ferðafélag Íslands. Marmkið ferðafélagsins er að hvetja börn og fjölskyldur til útivistar, upplifa okkar fallegu náttúru og skapa dýrmætar minningar saman.

Frískir Flóamenn, hlaupahópur

 

Skemmtilegt Crossfit sumarnámskeið hjá Crossfit Selfoss fyrir unglinga 12-14 ára.

Skemmtilegt Crossfit sumarnámskeið hjá Crossfit Selfoss fyrir krakka á aldrinum 8-11 ára

Stutt dansnámskeið fyrir börn og unglinga þar sem áhersla er lögð á dansgleði og skemmtun í tímum ásamt því að læra grunnspor í jazzballett. Námskeiðin eru tilvalin fyrir þá sem vilja prófa að dansa, ekki er gerð krafa um neinn grunn í dansi.

Knattspyrnusumarið 2021 verður mjög fjölbreytt og skemmtilegt. Knattspyrnudeild Selfoss býður upp á fjölmörg flott sumarnámskeið fyrir áhugasama og fjöruga krakka.

Hjólað til heilsubótar Í samvinnu við Félag eldri borgara Selfossi.

Sumarfrístund er skemmtilegt leikjanámskeið fyrir börn á aldrinum 6-10 ára. Námskeiðin verða í boði frá 14. júní til og með 20. ágúst. Opið er frá kl. 8:00 – 16:30 mánudaga- fimmtudag og 8:00 - 15:00 á föstudögum.

Motocrossdeild Umfs. Selfoss Það verður líf og fjör hjá okkur í sumar eins og undanfarin ár. Æfingar hefjast í byrjun júní. Boðið verður upp á æfingar í tveimur hópum, fyrir yngri og óreyndari og svo hópur fyrir eldri.

Tvö myndlistarnámskeið, fyrir börn á aldrinum 8 til 13 ára og ungmenni 14-18 ára, verða haldin í Íslenska bænum í Austur-Meðalholtum, í Flóahreppi sumarið 2020.

Fjölbreyttar æfingar og leikir með áherslu á grunnfimleika, samhæfingu, styrk og liðleika. Ekki þarf að hafa verið í fimleikum áður til að geta sótt námskeiðið. Æfingarnar verða í Baulu, íþróttahúsinu við Sunnulækjarskóla.

Námskeið í Rafíþróttum hjá Selfoss eSports verður í gangi í sumar í júní og júlí fyrir börn og unglinga á aldrinum 10 - 15 ára.

Dagana 14-24. júní verður árlegt vornámskeið Sunddeildar umf.Selfoss haldið í gömlu innilauginni í Sundhöll Selfoss. Kennt verður fyrir  hádegi virka daga í alls 8 skifti í 45 mínútur í senn. Námskeiðið er fyrir börn fædd 2015 og 2016 en eldri börn eru velkomin.

Leikfélag Selfoss verður að venju með námskeið fyrir börn og unglinga í leiklist. Unnið verður með framkomu, tjáningu, sjálfsöryggi á sviði, samvinnu og almenna jákvæðni í garð leiklistar. Farið verður í ýmsar leiklistaræfingar og spuna ásamt því að efla sjálfstraust, hugarflug, gleði og jákvæðni.

Í listasmiðjunni fá þátttakendur tækifæri til að skapa á fjölbreyttan hátt og draga innblástur frá nærumhverfi sínu. Farið verður í vettvangsferðir til að safna efnivið til listsköpunar. Unnið verður með grafík, teikningu, málun og margt fleira.

Reiðnámskeið á Eyrarbakka Í sumar (júní -júlí ) verða haldin vikuleg reiðnámskeið fyrir börn á aldrinum 5-13 ára .

Leikja- og júdónámskeið UMFS Júdódeild Selfoss býður uppá fjölbreytt námskeið þar sem blandað er saman skemmtilegum leikjum, styrktaræfingum og farið yfir grunnatriði í júdó. Júdó eykur þol, fimi, styrk og eflir sjálfstraust. Hentar bæði fyrir byrjendur og þá sem hafa verið í júdó áður, bæði stráka og stelpur.

Frístundaklúbburinn Kotið er fyrir börn með sérþarfir í Sveitarfélaginu Árborg.

Það verða sumaræfingar í boði fyrir alla iðkendur deildarinnar í júní 2021 og verða æfingarnar með svipuðu sniði og áður.

Í sumar bjóðum við upp á teikninámskeið á Selfossi fyrir börn á aldrinum 8 - 13 ára (fædd 2008-2013)

SELFOSS-KARFA heldur fjögur sumarnámskeið í körfuknattleik sumarið 2021. Námskeiðin eru fyrir öll börn sem fædd eru 2015-2010. Öll námskeið munu fara fram í íþróttahúsinu við Vallaskóla.

Listin að leika sér - leiklistarnámskeið við Ströndina Hera Fjord, Rebekka Magnúsdóttir og Ungmennafélag Eyrarbakka bjóða upp á leiklistarnámskeið á Stað, Eyrarbakka í sumar.   Markmiðið er að þátttakendur læri undirstöðuatriðin í leiklist, kynnist hugmynda- og samvinnu, hljóti aukna sjálfsþekkingu og samkennd, bæti sjálfstraust sitt og gleði.

Sumarlestur er ókeypis lestrarhvetjandi námskeið sem stendur yfir í júnímánuð í Bókasafni Árborgar fyrir börn í 3. – 5. bekk grunnskólanna. Þema sumarlestursins í ár er barnabókahöfundurinn frægi Astrid Lindgren og bókaheimurinn hennar.

Reiðskóli Oddnýjar Láru og Sleipnis verður haldin á Selfossi í sumar, umsjónarmaður er Oddný Lára Guðnadóttir.